කාන්තා පිරිමි කුඩා ළමයින් අපි හැමෝම වගේ ගමනක් යන්න පිටත් වෙද්දි පාවහන් යුගලක් පලඳින්න අමතක කරන්නේ නම් නැහැ . ඉතින් මේ පාවහන් පලඳින නිසා අපි නොදැනම අපිට හානිකර දෙයක් වෙනවා කියලා කිවිවොත් ඔබ බය වුනා නේද?. ඔව් අනිවාර්යෙන්ම බය වෙන්න ඕනේ මෙන්න මේ වගේ වර්ගයේ පාවහන් භාවිතා කරන කාන්තාවන් සහ මේවා භාවිතා කරන ගැහැණු ළමයි අයිතිකාර පිරිමි ළමයි.
මෙන්න මේකයි කතන්දරේ...හුඟාක් කාන්තාවන් නවීන විලාසිතා කරන්න හුරු වෙලා තියෙනවා. ඒක හොඳයි, නමුත් විලාසිතා කරන්නෙ අපේ සෞඛ්‍ය තත්ත්වය ගැන නොහිතානම්, ඒක ටිකක් බරපතලයි.
දැන් බොහෝ කාන්තාවන්ගේ විලාසිතාවක් තමා අඩි උස පාවහන් පැළදීම. මේ නිසා තමන්ගේ ශරීරයට වෙන හානිය ගැන දැන ගන්න එක හොඳයි නේද?.
මේ පින්තූර දෙකේ පෙන්නුම් කරන්නේ අඩි උස පැලඳ විට සහ නොමැති විට පිටින් පෙනෙන ආකාරය.
මේවිදියට සිරුර ඉදිරියට නැමෙන නිසා,කොඳුනාරටියේ කශේරුකාවේ ස්නායුවලට තෙරපුමක් ඇති වෙනවා.මේ නිසා තමයි අපේ කාන්තවන්ට වැඩි පුරම කොන්දේ අමාරු හැදෙන්න හේතුව.
අඩි උස නිසා දණහිස් වලට අසාමාන්‍ය තෙරපුමක් , පීඩනයක් ඇතිවෙනවා. මේ නිසා සාමාන්‍ය ප්‍රමාණයට වඩා අගල් 3 උස පාවහන් පලඳින විට 76% කින් පීඩනය වැඩිවීමක් සිද්ද වෙනවා.
ඒ වගේ මේ පවහන් වලින් ඇති වෙන ආනතිය |Angle නිසා කකුලේ ගැස්ට්‍රොක්නිමියස් පේශිය|Gastrocnemiua Muscle සංකෝචනය වීමක් සිදුවෙනවා. එවිට ගැස්ට්‍රොක්නිමියස් මාංශ පේශිය කොට වීමක් වගේම තද වීමක් වෙනවා.
ගැස්ට්‍රොක්නිමියස් පේශිය|Gastrocnemiua Muscle සහ බල නහරයටයි|Achilles Tendon
අනිත් බලපෑම සිද්ධ වෙන්නේ කකුලේ බල නහරයටය|Achilles Tendon කකුලේ ඉදිරිපස කොටස පහතට තල්ලු වෙනවා විලුඹේ සම්බන්ධයත් සමගම. ඒනිසා බල නහරය තද වීමක් හෝ තෙරපීමකට ලක්වෙනවා. මේ නිසා විලුඹ කැක්කුම, කකුලේ අමාරුව ඇතිවෙනවා.
ඒ විතරක් නම් මදැයි, මොළයට සම්බන්ධ රුධිර නාලවලටත් ස්නායුවලටත් හානි වීමෙන් මානසික සෞඛ්‍යයටද බලපෑම් ඇතිවෙනවා.
හැබැයි සම්පූර්ණයෙන් අඩි නැති පාවහන් තෝරා ගැනීමත් ඒ තරම්ම සුදුසු නැහැ. අඟල් එකහමාරක් හෝ අඟලයි තුන්කාලක් උස පාවහන් භාවිතයට ගන්නවානම් වඩාත් සුදුසුයි.අඩි උස පාවහන්වලින් භාවිතය, ශරීර සෞඛ්‍යයට හානි වීම නිසා අපේ එදිනෙදා කටයුතු අඩාල වෙනවා වගේම දීර්ඝ කාලීන රෝග රැසකට අත වැනීමක් නේද...... විලාසිතා කලාට කම් නැත, ඒත් මේ වගේ අහිතකර දේවල් භාවිතයෙන් ප්‍රවේසම් වෙන්න අමතක කරන්න එපා.......
අදහසක් ලියල එවන්න අමතක කරන්න එපා
පසුව කියවීමට,කැමැත්ත පලකිරීමට සහ හිතවතුන් අතරේ බෙදා හැරිමට මෙතනින් එක්වන්න
0 ප්‍රතිචාර:
Post a Comment