දරු පිළිසිඳ ගැනීමක් සිදු නොවන කාන්තාවකගේ ගර්භාෂය හා පැලෝපීය නාල පරීකෂාකර බැලීමට දැනට ලෝකයේ වැඩි වශයෙන්ම භාවිත වන පරීකෂණය නම් ලැපරස්කොපි ඩයි ටෙස්ටි පරීකෂණයයි. මෙහිදී සිදු කරන්නේ ගර්භාෂය හා ඩිම්බ කෝෂ උදර කුහරය තුළින් පරීකෂා කිරීමයි. එහිදී උදරයේ නාභියට මදක් පහළින් යෙදූ සෙ.මී. එකක කැපූමක් තුළින් කැමරාවක් සහිත උපකරණයක් යවා පරීකෂා කිරීම සිදුවෙනවා. මෙය විනාඩි 20 ක් පමණ ගතවන පරීකෂණයකි. සම්පූර්ණයෙන්ම නිර්වින්දනය කිරීමෙන් පසූවයි මේ පරීකෂණය කරන්නේ.මෙහිදී ලැබෙන තොරතුරු ප්‍රමාණවත් නැති නම් ඒ ළඟින්ම සිදුකරන තවත් කුඩා කැපූමක් මගින් (සෙ. මී. 0.5) තවත් උපකරණයක් ඇතුළු කොට පරීකෂා කිරීම සිදු කෙරෙනවා. මෙහිදී ගර්භාෂයේ වෙනස්කම්, ෆයිබ්‍රොයිඩ්ස් තිබෙනවාද? නාලවල ප්‍රශ්න තිබෙනවාද කියන කරුණූ සියල්ලම හොඳින් දැනගන්නට පූළුවන්. ඒ වගේම එන්ඩ්‍රොමෙට්‍රියෝසීස් වැනි රෝගී තත්ත්වයන් පවා මෙහිදී හඳුනාගත හැකි වෙනවා. ඇතැම් විට වෙනත් කැපූම් නොයොදා මෙහිදී ප්‍රතිකාර පවා ලබාදෙන්නට හැකිවන අවස්ථාත් තිබෙනවා.
කැපූම් මගින් යැවූ උපකරණ තුළින් පරීකෂා කරන අතරේ යෝනි මාර්ගය හරහා එවූ ඩයි එකක් මගින්ද පරීකෂාවන් කෙරෙනවා. එම ඩයි එක ගමන් කරන මාර්ගය මෙහිදී පරීකෂා කෙරෙනවා. නමූත් මෙහිදී වටහාගන්නට ඕන මේ පරීකෂණයේදී නාල විවර හොඳින් පිහිටා තිබෙනවාද කියා පරීකෂා කිරීම පමණයි කළ හැක්කේ. ඒවායේ ක්‍රියාකාරීත්වය ගැන පරීකෂා කරන්නට සමත් පරීකෂණයක් මෙතෙක් සොයාගෙන නැහැ.
ඇතැම් විට ඔබ අහලා ඇති නාල හොඳින් පිහිටා තිබෙනවා කියා පැවසූවත් පිළිසිඳ ගැනීමක් සිදු නොවන කාන්තාවන් ගැන. ඊට හේතුව තමයි නාල හොඳින් තිබූණත් ඒවායේ ක්‍රියාකාරීත්වය ගැන දැනගන්නට ක්‍රමයක් නැතිවීම.
ලැපරස්කොපි පරීකෂණය සිදුකරන අවස්ථාවේදීම පහසූකම් තිබෙනවා නම් තවත් පරීකෂණයක් සිදු කරන්නට පූළුවන්. ඒ හිස්ටරස්කොපි පරීකෂණය. එහිදී සිදුවන්නේ ගර්භාෂය තුළට කැමරාවක් යවා පරීකෂා කිරීමයි. ලැපරස්කොපි පරීකෂණයේදී සිදුවන්නේ ගර්භාෂයෙන් පිටත කැමරාවක් මගින් පරීකෂා කිරීමයි. හිස්ටරස්කොපි පරීකෂණයේදී දැනගන්නට පූළුවන් ගර්භාෂය තුළ ගෙඩි වැනි දේ තිබෙනවාද, දරුවෙක් පිළිසිඳ නොගැනීමට හේතු තිබෙනවාද කියා. ඇතැම් අවස්ථාවන්ට මෙහිදී ම ප්‍රතිකාර ලබාදෙනවා.
ලැපරස්කොපි හා හිස්ටරස්කොපි යන පරීකෂණ දෙක දරුවන් නැති කාන්තාවන් සම්බන්ධයෙන් සිදුකරන ඉතාම සාර්ථක පරීකෂණ දෙක ලෙස හඳුන්වා දෙන්නට පූළුවන්. නමූත් මෙහිදී සම්පූර්ණ නිර්වින්දනයට ලක්කිරීමට සිදුවෙනවා. පෞද්ගලික රෝහලකදී සිදුකරනවා නම් මූදල් ද වැය වෙනවා. ඒ වගේම මිනිත්තු 20 ක් පමණ කාලයක් ගතවෙනවා. රජයේ රෝහලක නම් රෝහල්ගත වන්නට සිදුවෙනවා.
මෙයට අමතරව හිස්ටෙරාසැල්පින්ගොග්‍රෑම් පරීකෂණය සිදුකෙරෙනවා. මෙහිදී ගර්භාෂයට ඩයි එකක් යවා එක්ස් කිරණ වාර්තාවක් මගින් පරීකෂාව සිදුකරනවා. මෙය ක්‍රම කීපයකට සිදුවෙනවා. පහසූකම් ඇති රෝහල්වල මෙය සම්පූර්ණ නිර්වින්දනයට ලක් කිරීමෙන් පසූව සිදුවෙනවා. නැතිනම් නින්ද යෑම සඳහා එන්නතක් ලබාදීමෙන් පසූව සිදුකරනවා. බොහෝවිට ගර්භාෂය හා ගැබ්ගෙල තුළින් යවන ඩයි එක පිහිටන ආකාරය එක්ස් කිරණ වාර්තාවන් දෙකක් මගින් පරීකෂා කෙරෙනවා. නමූත් නවතම ක්‍රමය නම් ඩයි එක ගර්භාෂය හරහා යවන අතරේ එක්ස් කිරණ මගින් තිරයක් මතට ලැබෙන දර්ශන ඔස්සේ ඩයි එක ගමන් කරන ආකාරය පරීකෂා කිරීමයි. එහිදී ඩයි එක ගමන් කරන තැන් හා ගමන් නොකරන තැන් හඳුනාගත හැකියි. මේ සඳහා මිනිත්තු 10/15 පමණ කාලයක් පමණයි ගතවන්නේ.
පසුව කියවීමට,කැමැත්ත පලකිරීමට සහ හිතවතුන් අතරේ බෙදා හැරිමට මෙතනින් එක්වන්න
.jpg)
.jpg)
0 ප්‍රතිචාර:
Post a Comment